I
Audierunt Ypirangae ripae placidae
Heroicae gentis validum clamorem,
Solisque libertatis flammae fulgidae
Sparsere Patriae in caelos tum fulgorem.
Pignus vero aequalitatis
Possidere si potuimus brachio forti,
Almo gremio en libertatis,
Audens sese offert ipsi pectus morti!
O cara Patria,
Amoris atria,
Salve! Salve!
Brasilia, somnium tensum, flamma vivida,
Amorem ferens spem ad orbis claustrum,
Si pulchri coeli alacritate limpida,
Splendescit almum, fulgens, Crucis plaustrum.
Ex propria gigas positus natura,
Impavida, fortisque, ingensque moles,
Te pastam praevidebunt jam futura.
Tellus dilecta,
Inter similia
Arva, Brasilia,
Es Patria electa!
Natorum parens alma es inter lilia,
Patria cara,
Brasilia!
II
In cunis semper strata mire splendidis,
Sonante mari, coeli albo profundi,
Effulges, o Brasilia, flos Americae,
A sole irradiata Novi Mundi!
Ceterisque in orbe plagis
Tui rident agri florum ditiores;
“Tenent silvae en vitam magis,”
“Magis tenet” tuo sinu “vita amores.”
O cara Patria,
Amoris atria,
Salve! Salve!
Brasilia, aeterni amoris fiat symbolum,
Quod affers tecum, labarum stellatum,
En dicat aurea viridisque flammula,
– Ventura pax decusque superatum
Si vero tollis Themis clavam fortem,
Non filios tu videbis vacillantes.
Aut, in amando te, timentes mortem.
Tellus dilecta,
Inter similia
Arva, Brasília,
Es Patria electa!
Natorum parens alma es inter lilia,
Patria cara,
Brasilia!
(versão latina de Mendes de Aguiar)
Fonte: Aguiar, Mendes de. Ausonina Carmina. Cairu: Pcbooks, 2019
